2026 жылғы 12 маусымда Медицина қызметкері күніне орай Абай облысының денсаулық сақтау ұйымдарының қызметкерлері арасында шахмат және үстел теннисі бойынша спорттық жарыстар өткізілді.
Іс-шара корпоративтік рухты нығайту, салауатты өмір салтын насихаттау, командалық өзара іс-қимылды дамыту және медицина ұйымдары ұжымдарының бірлігін арттыру мақсатында ұйымдастырылды.
Абай облысы Денсаулық сақтау басқармасының ШЖҚ КМК «Облыстық жедел медициналық жәрдем станциясы» жарыстарға белсенді қатысып, жоғары нәтижелерге қол жеткізді.
Шахмат жарысында команда І орынға ие болды. Команда құрамында фельдшерлер Оразбаев Асылбек пен Мұхамеджанова Раушан, сондай-ақ бас дәрігер В.В. Ли өнер көрсетті.
Үстел теннисі бойынша да команда І орынды иеленді. Команда құрамында фельдшер Сұлтанова А.М. және дәрігерлер Баяхметов А.Б. мен Құсайынов К.Т. болды.
Әріптестеріміз жоғары дайындық деңгейін, жеңіске деген жігерін және спорттық шеберлігін көрсетті. Жарыстар достық әрі көтеріңкі көңіл-күйде өтіп, қатысушыларға жарқын әсер сыйлады.
Жеңімпаздарды лайықты жетістіктерімен құттықтаймыз! Оларға зор денсаулық, кәсіби табыс және алдағы уақытта жаңа жеңістер тілейміз!
ҚР, Абай ауданы, Семей қ., Орманди к., 32/1
