2026 жылғы 9-12 сәуір аралығында Абай облыстық жедел медициналық жәрдем станциясының қызметкерлері - пациенттерді қолдау және ішкі аудит қызметінің жетекшісі Гатауллина Эльвира Закиевна, дәрігер Спанова Ляззат Ерболовна, фельдшерлер Рыскалиев Ернар Айдынғалиевич және Сәмиғұлов Алмас Мұратбекұлы Нукус қаласында өткен халықаралық қатысумен жыл сайынғы ғылыми-практикалық конференцияға қатысты.
Конференция аясында 2026 жылғы 9 сәуірде Өзбекстан Республикасы Денсаулық сақтау министрлігінің Қарақалпақстан филиалының Республикалық шұғыл медициналық көмек орталығы базасында халықаралық қатысумен жедел медициналық жәрдем бригадалары арасында конкурс-олимпиада өтті.
Жарысқа барлығы 19 команда қатысты: Қарақалпақстан республикалық жедел жәрдем орталығы филиалдарының 14 командасы және Қазақстан Республикасы, Беларусь Республикасы, Ресей Федерациясы (Уфа қ.), Корея Республикасы (KNUT командасы) және Қарақалпақ медициналық институтын ұсынған 5 халықаралық команда.
Байқау қорытындысы бойынша Абай облысының командасы халықаралық аренада облыс пен ел намысын лайықты қорғап, құрметті 3-орынға ие болды.
Жеңімпаздарды марапаттау салтанаты 2026 жылғы 10 сәуірде халықаралық конференцияның ашылуы аясында өтті.
Бұл жетістік қазақстандық мамандардың жоғары дайындық деңгейін, кәсібилігін, үйлесімді жұмысын және ең күрделі жағдайларда шұғыл медициналық көмек көрсетуге дайындығын айқындайды.
Команданы лайықты жеңісімен құттықтаймыз және алдағы уақытта да табыс тілейміз!
ҚР, Абай ауданы, Семей қ., Орманди к., 32/1
